Eksperti i transferimeve Florian Plettenberg raporton se Manchester United po monitoron nga afër mbrojtësin e majtë të Milanit, Theo Hernandez, edhe nëse objektivi i tyre kryesor mbetet Alphonso Davies.

Sipas raportit të fundit të transferimeve nga eksperti i transferimeve të Sky Sport, Florian Plettenberg, mbrojtësi francez është dëshirë e madhe e drejtuesve të klubit anglez.

Gazetari pretendon në X se Alphonso Davies i Bayern Munich është objektivi kryesor i Manchester United, por nënshkrimi i kanadezit do të jetë ‘i vështirë për t’u realizuar’, andaj alternativa e tij kryesore është Theo Hernandez.

Theo mbetet në bisedime për të zgjatur kontratën e tij me Milanin, e cila skadon në qershor 2026.

Agjenti i tij thuhet se u takua me përfaqësuesit e Milanit në fillim të këtij muaji për të diskutuar një marrëveshje të re deri në vitin 2029.

/GazetaBlic Sport/