La Gazzetta dello Sport pretendon se Manchester United dëshiron të bëjë një lëvizje për mbrojtësin e Milanit, Theo Hernandez këtë verë.

25-vjeçari francez ka vazhduar të jetë një nga lojtarët më të mirë në skuadrën e Stefano Piolit, duke shënuar katër gola dhe duke dhënë pesë asistime në 43 paraqitje në Serie A dhe Champions League, përcjell GazetaBlic Sport.

Një faktor kyç në vendimin e tij për t’u bashkuar me Milanin në 2019 ishte drejtori Paolo Maldini, i cili u shkarkua nga klubi në fillim të këtij muaji, duke çuar në frikën se Hernandez mund të ishte një nga lojtarët që dëshiron ta ndjekë rrugën e tij.

La Gazzetta dello Sport detajon se si Manchester United dëshiron të marrë Hernandez në afatin kalimtar të kësaj vere, por ata do të duhet t’i paguajnë Milanit të paktën 60 milionë euro në mënyrë që ta largojnë atë nga Rossonerët.

Djajtë e Kuq nuk janë klubi i vetëm i interesuar për francezin; Corriere della Sera sugjeron se si Manchester City ashtu edhe disa skuadra kryesore në Spanjë janë tifozë të 25-vjeçarit.

/GazetaBlic Sport/