Manchester City do të dërgojë një ofertë të hapur për të provuar të nënshkruajë Tijjani Reijnders këtë muaj.

Reijnders dëshiron të përqendrohet në ndeshjet e fundit të sezonit me Milanin, ndeshje që siç duket do të jenë edhe të fundit për të me fanellën e skuadrës italiane, shkruan GazetaBlic Sport.

Pep Guadriola e dëshiron me çdo kusht transferimin e tij dhe skuadra angleze do të bëjë një ofertë në drejtim të Milanit, por që gara do të jetë e fortë, sepse pjesë e saj është edhe Real Madrid.

AC Milan ka vendosur një qëndrim të qartë në lidhje me shitjen e mundshme të Reijnders, duke këmbëngulur se çdo ofertë duhet të tejkalojë rekordin e tyre të mëparshëm të shitjes.

Referenca aktuale u vendos nga transferimi prej 70 milionë eurosh i Sandro Tonali-t te Newcastle United, i cili është largimi më i shtrenjtë i Milanit. Qëndrimi i klubit italian pasqyron si rëndësinë e Reijnders për ekipin, ashtu edhe rritjen e jashtëzakonshme të vlerës së tij që nga transferimi nga AZ Alkmaar.

/GazetaBlic Sport/