E ardhmja e Marcus Rashford pritet të jetë larg nga vendlindja e tij, Manchester United, pasi u bë e qartë se Ruben Amorim nuk e ka në planet e tij.

Tashmë “Djajtë e Kuq” po mendojnë se ku ta shesin lojtarin sulmues, por me siguri nuk do ta lënë të shkojë në një klub tjetër anglez.

Drejtuesit e klubit nuk kanë ndërmend të forcojnë asnjë nga konkurrentët e skuadrës dhe për këtë arsye do të ndahen me Rashford vetëm nëse vjen një ofertë nga një klub i huaj.

Momentalisht, favorit për nënshkrimin e anglezit është Milani, dhe Barcelona raportohet gjithashtu se po vëzhgon me vëmendje atë që po ndodh me Rashford, i cili ka 7 gola dhe 3 asistime në 24 ndeshje në të gjitha garat këtë sezon.

/GazetaBlic Sport