Trajneri i Manchester Cityt, Pep Guardiola, po përballet me një krizë serioze në mbrojtje, pasi u bë e qartë se lojtari i tij kryesor, Ruben Diaz, do të mungojë për një kohë të gjatë.

Reprezentuesi portugez ka pësuar një dëmtim në kofshë. Dëmtimi ndodhi gjatë barazimit 1-1 të së dielës në Premier League me Chelsean. Sipas Guardiolës, rikuperimi i Diaz do të zgjasë mes katër dhe gjashtë javësh, që do të thotë se ai do të humbasë një numër ndeshjesh kyçe për “Qytetarët”.

Problemet për trajnerin spanjoll nuk ndalen me kaq. Lajmi për dëmtimin e Ruben Diaz vjen si goditja e dytë e rëndë për ekipin brenda vetëm pak ditësh. Të hënën, u bë e qartë se edhe mbrojtësi tjetër kryesor, Josko Guardiola, është jashtë fushës.

Kroati do t’i nënshtrohet një operacioni për një frakturë. Mungesa e tij mund të zgjasë deri në javët e fundit të sezonit, duke e lënë Guardiolën me mundësi jashtëzakonisht të kufizuara mbrojtëse.

/GazetaBlic Sport/