Drejtoresha e Arsimit në Komunën e Prishtinës, Jehona Lushaku-Sadriu, ka bërë të ditur se sot me komandantin e Policisë së Kosovës, Niman Jonuzin, dhe zyrtarë diskutuan për sigurinë në shkollat e kryeqytetit.

“Siguria në shkollë kërkon një angazhim të përbashkët dhe të vazhdueshëm, është e rëndësishme që të kemi dialog të hapur dhe të bashkëpunim në mes autoriteteve shkollore, policisë dhe prindërve për të identifikuar rreziqet potenciale dhe për të gjetur zgjidhje efektive”.

“Ishte një mundësi e mirë për të shkëmbyer mendime dhe për të gjetur mënyra për të rritur edhe më shumë masat e sigurisë në shkollat e Prishtinës”, ka thënë Lushaku-Sadriu në Facebook.