Kryetari i Lidhjes Demokratike të Kosovës, Lumir Abdixhiku, i ka shkuar për urim, kryetarit të ri të Prishtinës, Përparim Rama, raporton Gazeta Blic. 

Abdixhiku shprehet i bindur se mbështetja qytetare për të dhe LDK-në, në zgjedhjet e 14 nëntorit, do të përkthehet në punë e angazhime të drejta, të mbara e të mëdha për secilin qytetar të Kryeqytetit.

Shkrimi i plotë nga Lumir Abdixhiku:

Sot, në ditën e parë të punës, vizitova kryetarin e ri të Prishtinës, mikun tim, Përparim Ramën. E urova për detyrën e re dhe për misionin e tij dhe të ekipit të tij drejt transformimit të kryeqytetit.

Jam i bindur se mbështetja qytetare për të dhe LDK-në, në zgjedhjet e 14 nëntorit, do të përkthehet në punë e angazhime të drejta, të mbara e të mëdha për secilin qytetar të Kryeqytetit. Prishtina po nis një etapë të re zhvillimore, prandaj këtë rrugëtim do ta mbështesim me çdo forcë të gjithë.

Perparim, kryetar, të priftë e mbara!