Sulmuesi i Chelseat, Romelu Lukaku pritet të takohet sot me shefin e tij Thomas Tuchel.

Sulmuesi belg u kërkoi falje tifozëve të Interit për mënyrën se si u largua, duke thënë se shpreson të luajë sërish për Nerazzurrët ‘jo në fund të karrierës së tij’, përcjell GazetaBlic Sport.

Është e drejtë të thuhet se shokët e tij të skuadrës dhe Tuchel nuk u impresionuan nga intervista e tij pasi ish-ylli i Interit u la jashtë ndeshjes kryesore të djeshme në Premier League kundër Liverpool.

Pas ndeshjes, Tuchel tha se do të takohej sot me Lukakun për të diskutuar të ardhmen e tij në klub.

Sipas Sky Sport Italia, blutë dhe sulmuesi do të përpiqen të arrijnë një lloj marrëveshjeje, duke shmangur një këputje në marrëdhënien e tyre.

Lukaku nuk mund të përballojë të kalojë të gjithë sezonin jashtë fushës dhe Blutë nuk mund të shpërdorojnë një nga investimet më të mëdha të viteve të fundit.

28-vjeçari u kthye në Stamford Bridge në një marrëveshje prej 115 milionë euro në verë, por ka shënuar vetëm shtatë gola në 18 paraqitje këtë sezon.

Interi po monitoron situatën, por kthimi i Lukakut në San Siro në janar duket i pamundur.

La Gazzetta dello Sport raportoi dje se Tottenhami i Antonio Contes mund të përpiqet të nënshkruajë me Lukakun në fund të sezonit, duke hequr dorë nga Dusan Vlahovic i Fiorentinës.

/GazetaBlic Sport.