Trajneri i Paris Saint-Germain, Luis Enrique, ka treguar qetësi dhe besim pavarësisht tensionit që rrethon ekipin e tij përpara ndeshjes së parë të Ligës së Kampionëve kundër Monacos.

Ai komentoi mbi polemikat e fundit të shkaktuara nga komentet e lojtarit yll Ousmane Dembele, duke theksuar se ekipi është mësuar me presionin e jashtëm.

“Gjithmonë ka zhurmë rreth PSG-së dhe ne duhet ta pranojmë këtë. Jemi mësuar t’i kapërcejmë këto situata”, tha Enrique.

“Sezonin e kaluar ishte shumë e qartë. E nisëm Ligën e Kampionëve me të njëjtën mungesë efikasiteti, por kur shikon rastet e krijuara, do të thotë që ishim më të mirë se kundërshtari – dhe kjo është pikërisht ajo që po kërkojmë”, vazhdoi ai.

Trajneri shprehu besim se skuadra e tij do të gjejë së shpejti rrugën e duhur drejt qëllimit. “Jam i sigurt se mund ta arrijmë përsëri shumë shpejt dhe ky është qëllimi ynë”, shtoi ai.

/GazetaBlic Sport