Lojtari i Bayern Munich, Lucas Hernandez, u paraqit këtë të hënë në një gjykatë në Spanjë.

Francezi ka apeluar dënimin e tij me burg të dhënë nga gjykata spanjolle, shkruan GazetaBlic Sport.

Gjykata Superiore e Drejtësisë së Madridit raportoi se Lucas Hernandez “u shfaq vullnetarisht sot, një ditë para se të thirrej nga Gjykata Penale Nr. 32 e Madridit, për të përmbushur urdhrin e burgimit për shkelje të dënimit”.

Lucas Hernandez, i cili mund të rrezikohet të mos përballet me Benficën të mërkurën, në një ndeshje që llogaritet për Ligën e Kampionëve, u dënua, në vitin 2017, në një kohë kur ai përfaqësonte Atletico Madrid, me gjashtë muaj burg për shkelje të rendit për t’iu afruar gruas, pas sulmit në rrugët publike.

Katër muaj më parë, megjithatë, çifti u pa së bashku në aeroportin në Barajas, në Madrid, kur po ktheheshin nga pushimet në Shtetet e Bashkuara, ku do të ishin martuar.

/GazetaBlic Sport/