Lorenzo Insigne është shumë pranë rikthimit në Serie A, me Lazion që po përgatit një marrëveshje afatshkurtër për ta rikthyer ish-kapitenin e Napolit në Itali.

Pas tre sezonesh në MLS, 34-vjeçari po mendon seriozisht rikthimin në nivelin elitar italian, shkruan GazetaBlic Sport.

Marrëveshja e propozuar do të jetë për një periudhë gjashtëmujore, me mundësi zgjatjeje për një sezon tjetër, sipas TuttoMercatoWeb.

Ky transferim do ta ribashkojë Insigne-n me Maurizio Sarrin, trajnerin nën drejtimin e të cilit ai arriti periudhën më të suksesshme të karrierës së tij.

/GazetaBlic Sport/