Andin Lokaj, komentatori i sportit në RTK mendon se Lionel Messi është lojtari më i mirë në histori të futbollit dhe atë bindshëm para të tjerëve.

Sipas komentatorit të njohur sportiv, Andin Lokaj, Leo Messi është lojtar më i mirë se Cristiano Ronaldo dhe se argjentinasit nuk i duhet fare Kampionati Botëror që të marrë një epitet si më i miri i historisë – pasi nuk ka nevojë të dëshmohet më.

Lokaj shkon edhe më tutje dhe thotë se Messi do të mbetet si më i miri i historisë edhe për të paktën 50 vjet.

“Unë mendoj që Messi është lojtari më i mirë i të gjitha kohërave, bindshëm, edhe më i mirë se Cristiano Ronaldo, larg. Edhe nëse nuk e fiton Kampionatin Botëror me Argjentinën – i cili mund të jetë i tij i fundit në karrierë – unë prap se prap mendoj që atij nuk i duhet kampionati botëror atij, sepse s’ka nevojë të dëshmohet. Ai mbetet së paku edhe për 50 vjet lojtari më i mirë i të gjitha kohërave”, tha Andin Lokaj për “BlicInterview” me Astrit Gashin.

/GazetaBlic