Aktualisht duke punuar për Romën, José Mourinho nuk pati një periudhë të lumtur në Tottenham, duke përfunduar kontratën e tij me Spurs në prill të sezonit të kaluar.

Një nga lojtarët e drejtuar nga trajneri portugez në skuadrën angleze ishte Erik Lamela, i cili në një intervistë të fundit për The Times mbrojti Mourinhon nga kritikat, duke garantuar se ai ishte një nga trajnerët më të mirë që kishte në karrierën e tij, përcjell GazetaBlic Sport.

“Mourinho është një trajner fantastik, me një mentalitet fantastik. Ai u përpoq të bënte më të mirën për klubin, e di që ka punuar shumë për Tottenhamin. Ai ishte gjithashtu një person i madh dhe më pëlqeu koha që kaloja me të”, kujton Lamela.

“Kur largohen trajnerët, ndihesh keq, sepse ndjenja është se skuadra nuk po luan mirë. Sigurisht që të gjithë kemi përgjegjësi, por këto momente nuk ndihen mirë”, përfundoi ai.

/GazetaBlic Sport