Florian Wirtz po shkëlqen këtë vit në Bundesliga me Bayer Leverkusen, teksa në 46 sfida, të zhvilluara në të gjitha kompeticionet ka arritur të shënojë plot 18 gola, si dhe të dhurojë plot 19 asistime, për shokët e tij të skuadrës, duke e bërë atë një nga më produktivët në të gjithë Evropën.

Performancat e tilla e kanë vënë 20-vjeçarin, në listën e “dëshirave” të “gjigantëve” të futbollit, teksa sipas raportimeve më të fundit të mediave gjermane, Manchester City dhe Liverpool janë të gatshëm të hapin ‘portofolin’ e tyre për të siguruar shërbimet e Wirtz.

Megjithatë, pas vendimit të teknikut spanjoll, Xabi Alonso për të qëndruar edhe pas përfundimit të këtij sezoni në krye të Leverkusenit, trajneri po përpiqet që ta bindë edhe mesfushorin që të mos largohet, por që të refuzojë ofertat e klubeve angleze, teksa shpreson që të ketë një skuadër kompetitive sezonin e ardhshëm, ku pritet të jetë edhe në Champions League.