Ekziston një listë e gjatë e të ftuarve për finalen e Euro 2020, përfshirë Fabio Capello, David Beckham dhe Tom Cruise, të cilët gjithashtu morën pjesë në Finalen e Wimbledon.

Italia dhe Anglia takohen në finalen e Euro 2020 në stadiumin “Wembley” këtë mbrëmje, përcjell GazetaBlic Sport.

Do të ketë shumë personalitete të futbollit italian dhe anglez që do të marrin pjesë në Finale nga tribunat, të tilla si Presidenti i FIGC Gabriele Gravina dhe Kryetari i FA, Peter McCormick.

Presidenti i Italisë, Sergio Mattarella do të marrë pjesë gjithashtu në finale dhe e njëjta gjë është me Christian Eriksen, të cilin UEFA e ka ftuar.

Mesfushori i Interit pësoi një arrest kardiak gjatë ndeshjes hapëse të Danimarkës në EURO 2020 kundër Finlandës.

Ish-lojtari i Anglisë, David Beckham dhe Wayne Rooney janë në listën e të ftuarve dhe po ashtu janë fituesit e Kupës së Botës në Itali 2006, Alessandro Nesta dhe Gianluca Zambrotta.

/GazetaBlic Sport/