Pavarësisht se po kalon kohë të vështira, veçanërisht bazuar në stinorin vjeshtor, KF Liria vetëm deri tash në ditën e sotme ka prezantuar tetë futbollistë.
Madje, prezantimi i tyre është bërë brenda pak orësh – teksa duhet kujtuar që prizrenasit së fundmi kanë mbetur edhe pa trajner, pas largimit të Mirsad Jonuzit.
Gjithsesi, edhe pse ende pa trajner, kjo nuk i ka penguar “bardhezinjtë” që të përforcojnë skuadrën.
Xhelal Terziqi, Arbër Basha, Valmir Berisha, Roni Gashi, Fluturim Domi, Aldi Gjumsi, Steve Schmidhausle dhe Enis Gavazaj janë futbollistët që do të jenë pjesë e Lirisë në stinorin pranveror.
Nuk dihet nëse do të ketë edhe futbollistë tjerë që në vazhdim do të prezantohet te klubi nga Prizreni.
Kujtojmë se Liria renditet e fundit në tabelën e Superligës së Kosovës me vetëm 9 pikë të grumbulluara, me bilanc prej 11 humbjeve, gjashtë barazimeve dhe vetëm një fitoreje.
