Kreu i NISMA-s, Fatmir Limaj, ka theksuar se Kosova është në një udhëkryq pas katër vitesh të vështira, ku qytetarët po përballen me kushte të rënduara ekonomike, raporton GazetaBlic.

Ai u shpreh se koalicioni i tij është angazhuar për një Kosovë fituese, duke garantuar siguri, zhvillim ekonomik, antarësim në NATO dhe pavarësim energjetik.

Limaj theksoi se vetëm me veprim, besim dhe përkushtim, Kosova mund të rikthehet në rrugën e duhur dhe të bëhet një shembull për vendet përreth.

E plotë:

Ngucati i Malishevës, për Kosovën fituese 137!

Sot, më shumë se kurrë, Kosova gjendet në një udhëkryq, pas katër vitesh të vështira, pa investime, pa ide të qarta dhe nën sanksione, jeta e qytetarëve është bërë gjithnjë e më e vështirë.

Jemi bërë bashkë për Kosovën fituese, veçVEPRA, pa dallime, me besim e përkushtim, vendi ynë do të rikthehet në rrugën e duhur.

Koalicioni ynë garanton siguri, zhvillim ekonomik, antarësim në NATO, rivitalizim të ndërmarrjeve publike dhe pavarësim energjetik, duke bërë Kosovën tonë shembull për vendet përreth.