Komisioni për Punë të Jashtme dhe Diasporë do të takohet sot me ambasadorin e Gjermanisë në Kosovë, për të diskutuar rreth çështjes së liberalizimit të vizave.
Takimi me ambasadorin e Republikës Federale të Gjërmanisë, Jörn Rohde, do të mbahet në ndërtesën e Kuvendit të Kosovës, në orën 11:00.
Kështu bëhet e ditur në njoftimin për ngjarjet e planifikuara për ditën e sotme.
“Komisioni për Punë të Jashtme dhe Diasporë takohet me Ambasadorin e Republikës Federale të Gjermanisë Jörn Rohde, lidhur me liberalizimin e vizave. (Ndërtesa e Kuvendit, salla C301, ora 11:00)”, bëhet e ditur në njoftim.
