Robert Lewandowski vazhdon të jetë i jashtëzakonshëm me statistikat e tij.

Sulmuesi polak ka shënuar 35 gola në këtë edicion në Bundesligë, shkruan GazetaBlic.

Lewandowski në një intervistë ka folur pikërisht për Haaland duke thurur elozhe për yllin e Dortmundit i cili sipas bomberit polak zotëron një talent të jashtëzakonshëm dhe një ditë do të jetë qëndërsulmuesi më i mirë në qarkullim por ajo ditë do të vijë kur Lewandowski të jetë tërhequr pasi 32-vjeçari nuk ka ndërmend t’i hapë rrugë.

Sulmuesi norvegjez ka shënuar plotë 21 gola në këtë edicion dhe është në listën e dëshirave të skuadrave më të mëdha në Evropë.

“Haaland është një futbollist i shkëlqyer. Ai është ende shumë i ri dhe ka një potencial të madh. Nëse e sheh në fytyrë, e dallon lehtë urinë e madhe që ka dhe dëshirën për të shënuar gola. E ka mundësinë për t’u bërë sulmuesi më i mirë në botë. Por kujdes, jo gjithçka shkon mbarë gjithmonë dhe në futboll nuk ka asgjë të lehtë. Erling po realizon shumë gola, por është akoma i ri. Unë mendoj se është diçka fantastike të kesh një talent të tillë në Bundesligë dhe të përballesh me të. E përsëris, ai është një futbollist që mund të bëhet më i miri.Gjithsesi, unë nuk kam ndërmend t’i hap rrugë dhe t’ia jap stafetën. Jam i lumtur këtu ku jam dhe kam ndërmend të luaj në nivele të larta edhe për disa vite“, theksoi Robert Lewandowski i cili përpara se të varë këpucët në gozhdë synon të thyejë rekordin e Gerd Muller për t’u bërë shënuesi më i mirë i të gjitha kohërave në historinë e Bundesligas.

/GazetaBlic/