Lidhja Demokratike e Kosovës beson se çështja e dialogut, është çështje e interesit kombëtar të vendit tonë, andaj tejkalon çdo qeveri. Sipas tyre, nuk ka asnjë subjekt politik shqiptar që përkrah asociacionin me të drejta ekzekutive, shkruan Gazeta Blic.
Anëtari i Kryesisë së Lidhjes Demokratike të Kosovës (LDK) Faton Bislimi, thotë për ‘Gazeta Blic’, se beteja për të mposhtur kërkesen serbe për asociacionin, fitohet vetëm në Capitol Hill e Washington.
“Besoj se çështja e dialogut e cila përfshinë edhe asociacionin, është çështje e interesit kombëtar të vendit tonë, andaj tejkalon çdo qeveri e çdo parti. Uniteti në dallime është i nevojshëm kur bëhet fjalë për interesa kombëtar të shtetit. Nuk ka asnjë subjekt politik shqiptar në Kosovë që përkrah asociacionin me të drejta ekzekutive. Por, beteja për ta mposhtur këtë kërkesë serbe që ka gjetë perkrahje tek disa qarqe ndërkombetare, fitohet vetem në Capitol Hill ne Washington, DC”, thotë Bislimi.
Ndryshe, Kurti të martën në konferencën e përbashkët me Borell tha se Asociacioni është në shërbim të Beogradit teksa Borell tha se s’pajtohet me Kurtin që Gjykata Kushtetuese nuk e mundëson zbatimin e marrëveshjes për Asociacioni.Kryeministri Kurti tha se Asociacioni do t’i shërbejë Beogradit më shumë se sa qytetarëve serbë.
“Të gjitha zgjidhjet që vijnë nga lart për të kënaqur politikanët e caktuar s’janë demokratike e unë jam demokrat dhe besoj se kapitujt e ardhshëm mes Kosovës dhe Serbisë s’duhet të jenë për të shpëtuar lëkurën e një politikani por t’i shërbejnë popullit dhe kam frikë se ky Asociacion është në shërbim të Beogradit shumë më shumë se sa ndonjë qytetari serb të Kosovës të cilëve u shërbej poaq si kryeministër i kësaj republike”, tha Kurti.
Pyetjes së njëjtë të gazetarëve në konferencë iu përgjigj edhe Shefi i Politikës së Jashtme, Josep Borell.Borell tha se s’pajtohet me kryeministrin Kurti se Gjykata Kushtetuese e pamundëson zbatimin e Asociacionit, duke thënë se Asociacioni duhet të zbatohet sepse është marrëveshja më e rëndësishme.
“Nuk pajtohem me juve kur thoni se Gjykata Kushtetuese e bën të pamundshme implementimin e marrëveshjes së Asociacionit që është lidhur nga përfaqësuesit e të dy palëve në pajtim me normat ndërkombëtare për lidhjen e marrëveshjeve dhe në kuadër të dialogut dhe më vjen keq kryeministër më duhet t’ju kërkojë për implementimin e kësaj marrëveshje. E di se ka marrëveshje të pa implementuara nga të dyja palët por kjo është më e rëndësishmja”, tha ai.
Ai tha se është demokrat poashtu por që s’i shërben asnjë politikani, duke ia përkujtuar kryeministrit Kurti se dialogu është i vetmi forum për zgjidhjen e çështjeve.
“Më lejoni të them se edhe unë jam demokrat dhe nuk jam këtu për të shërbyer cilindo politikan nga cilado anë. Ajo çfarë ka ndodhur me tabelat e veturave ka dëshmuar se dialogu është i vetmi forum për të zgjidhur të gjitha çështjet e hapura. Do të doja që ju të merrni parasysh rëndësinë e këtij dialogu për të tejkaluar vështirësitë për Kosovën për integrim të plotë në bashkësinë ndërkombëtare”, tha ai.
PDK përkrah dialogun vetëm mbi bazën e Kushtetutës së Kosovës
