Kandidati për deputet nga LDK, Ekrem Hyseni, njëherësh kryetar i degës së LDK-së në Podujevë, ka njoftuar se me 21 dhjetor do ta organizojnë darkën tradicionale të fundvitit, raporton Gazeta Blic.

Ai përmes një postimi në Facebook, ka ftuar anëtarët dhe simpatizantët e LDK-së në Podujevë, derisa ka bërë të ditur se do të bëhet edhe prezantimi i kandidatëve për deputetë.

Postimi i tij i plotë:

Të nderuar anëtarë dhe simpatizantë të LDK-së në Podujevë

Në shenjë falënderimi dhe respekti për punën, angazhimin dhe përkushtimin Tuaj të çdoditshëm, me kënaqësinë më të madhe ju ftoj në darkën tradicionale të fundvitit.

Me këtë rast, do t’i prezantojmë edhe kandidatët për deputetë.