Sky Sport Italia raporton se Lazio dëshiron rikthimin e Maurizio Sarrit dhe i ka ofruar ish-trajnerit të tyre një kontratë prej 2.8 milionë eurosh në vit deri në vitin 2027.

Lazio po shtyn përpara rikthimin e Sarrit në stolin e tyre dhe tashmë i ka bërë një ofertë ish-trajnerit të tyre.

Trajneri toskan dha dorëheqjen si trajner i Lazios në mars të vitit 2024 dhe që atëherë ka qenë pa klub. Bisedimet midis dy palëve janë “në vazhdim” me Lazion që po përpiqet të finalizojë marrëveshjen.

Baroni është nën kontratë deri në vitin 2026, por Biancocelesti pritet ta ndërpresin marrëveshjen me trajnerin e tyre në ditët në vijim.

/GazetaBlic Sport/