Profesori universitar, Blerim Latifi ka thënë se këtë vit, sheshi i rregulluar për festat e fundvitit në Prishtinë, ka qenë më i bukuri në rajon.

Latifi përmes një shkrimi në rrjetin social Facebook, ka thënë se kjo hapësirë ka tërhequr vëmendjen edhe të të rinjve nga jashtë vendit.

Tutje, ai ka shtuar se duhet ta duash vendin, që të jetësohen idetë e mira.

“Definitivisht kët’ vit Prishtina e ka pasur konceptin e rregullimit të sheshit për festat e fundvitit më të bukurin në krejt rajonin. Nga Kuvendi i Kosovês deri tek Katadralja “Nënë Tereza”, një hapësirë sociale e estetizuar me shkëlqimin e dritave, muzikën e përzgjedhur dhe shtëpizat- kafe, ka tërhequr vëmendjen dhe ardhjen e të rinjve edhe nga jashtë Kosovës.

Në kohën tonë nuk mungojnë kurrë idetë e mira, por duhet ta duash përnjëmend vendin tënd që ato të jetësohen” – ka shkruar ai.