Presidenti i Barcelonës, Joan Laporta, ka paralajmëruar se do t’ia rinovojë kontratën trajnerit Hansi Flick nëse ai fiton zgjedhjet presidenciale të klubit, të cilat do të mbahen në mars.

“Flick do ta stërvitë Barcën për aq kohë sa dëshiron nëse unë bëhem përsëri president. Ai e njeh shumë mirë klubin dhe do të ketë edhe më shumë përvojë. Ai është trajneri ideal për Barcën për momentin dhe falë tij po përjetojmë një moment shumë të mirë”, tha Laporta, transmeton GazetaBlic Sport.

“Ishte e rëndësishme për ne të kishim dikë me kaq përvojë dhe njohuri në ekip. Ai nuk është vetëm një trajner fenomenal, por edhe një person i jashtëzakonshëm. Ai është një specialist i madh dhe e kupton se si të menaxhojë një ekip me lojtarë shumë të rinj së bashku me lojtarë me përvojë. E dinim këtë që nga dita e parë që ai punoi për ne. Ai është trajneri ideal për ekipin aktual të Barcelonës. Falë tij po kalojmë një periudhë shumë të këndshme”, shtoi ai.

Barcelona do të mbajë zgjedhjet presidenciale në mars. Ekipi i udhëhequr nga Flick është në vendin e parë në renditjen e La Ligës, një pikë përpara Real Madridit.

/GazetaBlic Sport/