Ylli i ri i Barcelonës, Lamine Yamal është rikthyer në stërvitje për herë të parë që nga lëndimi që pësoi më 15 dhjetor kundër Leganes.

Talenti 17-vjeçar pësoi një dëmtim në kyçin e këmbës, por rikuperimi i tij po shkon mirë. Yamal ishte me shokët e tij të skuadrës vetëm për një pjesë të seancës stërvitore më 2 janar, pra sot.

Barcelona ka një ndeshje të 1/16 për Kupën e Mbretit kundër Barbastros – por pjesëmarrja e Lamine Yamal në të është pothuajse e pamundur.

Megjithatë, talenti më i madh i katalanasve me siguri do të jetë në dispozicion për ndeshjen gjysmëfinale kundër Athletic Bilbaos për Superkupën e Spanjës më 8 janar.

/GazetaBlic Sport