Sulmet me raketa nga Hamasi kanë vënë në rrezik ambasadën shqiptare në Izrael.
Ky shqetësim është ngritur nga ambasada shqiptare përmes një njoftimi në rrjetin social “Twitter”.
Sipas njoftimit të ambasadës, pak minuta më parë ka pasur goditje raketash pranë zyrave të saj.
“Goditje raketash në Ramat Gan, pranë ambasadës shqiptare gjithashtu, midis breshërive të mëdha në Izraelin qendror. Shumë të shqetësuar nga sulmet pa kriter nga Hamasi në Izrael. Civilët nga të gjitha anët duhet të mbrohen dhe kjo situatë shpërthyese duhet të de-përshkallëzohet,” shkruan ambasada shqiptare në “Twitter”.
Rocket strike in Ramat Gan, close to the Albanian Embassy too, amid heavy barrages on central Israel.
Very concerned by the Indiscriminate attacks by Hamas on Israel. Civilians on all sides must be protected and this explosive situation must de-escalate. https://t.co/30dHqtvwWd— Albania in Israel (@AlEmbassyIsrael) May 15, 2021
Ambasada shqiptare ka shpërndarë një reagim të ambasadores së Austrisë në Izrael Hannah Liko, e cila thotë se ka pasur goditje me raketë shumë afër ndërtesës së ambasadës austriake.
“Sapo pati një goditje rakete në Ramat Gan afër Ambasadës Austriake. Për fat të mirë të gjithë jemi të sigurt. Kjo duhet të ndalet menjëherë!” shkruan ambasadorja austriake në Izrael Hannah Liko.
