Superliga Evropiane e futbollit ka shkaktuar një tërmet të madh në opinionin e futbollit.

Dje 12 skuadra të mëdha evropiane kanë njoftuar se do të krijojnë Superligën Evropiane, e cila do t’i sjellë fitime marramendëse skuadrave pjesëmarrëse, përcjell GazetaBlic Sport.

Skuadra e Bayern Munich, e cila nuk bën pjesë në 12 skuadrat themeluese të Superligës Evropiane ka reaguar para pak minutave, me anë të CEO-s, Karl Heinz Rummenigge.

“FC Bayern nuk mori pjesë në planifikimin e një Super League. Ne jemi të bindur se statika aktuale në futboll garanton një bazë serioze. FC Bayern mirëpret reformat e Champions League, sepse ne besojmë se ato janë hapi i duhur për zhvillimin e futbollit evropian. Raundi paraprak i modifikuar do të kontribuojë në më shumë tension dhe emocionalitet në konkurs”, tha fillimisht Rummenigge.

“Unë nuk mendoj se Super League do të zgjidhë problemet financiare të klubeve evropiane të shkaktuara nga koronavirusi. Përkundrazi, të gjitha klubet në Evropë duhet të punojnë në solidaritet për të siguruar që struktura e kostos, në veçanti pagat e lojtarëve dhe tarifat për konsulentët, të rregullohen me të ardhurat për ta bërë futbollin evropian më racional”, përfundoi ai.

/GazetaBlic Sport