Sporti

Lajmi i fundit: Aguero pensionohet të mërkurën nga futbolli

12/13/2021 10:38
nga:E K

Ylli i Barcelonës, Sergio Aguero, pritet të mbyllë karrierën e tij të mërkurën.

Kështu raporton “El Periodico” që shkruan se argjentinasi Kun Aguero do të shpallë fundin e karrierës së tij të mërkurën, për shkak të problemeve me zemrën pasi pësoi një aritmi më 30 tetor, në përballjen mes Barcelonës dhe Alaves, përcjell GazetaBlic Sport.

Argjentinasi u shtrua në spital për disa ditë, iu nënshtrua një baterie provimesh dhe tashmë është detyruar të largohet nga futbolli profesionist.

I njëjti publikim thotë se Barcelona ka gjithçka të përgatitur për njoftimin e pensionimit të lojtarit 33-vjeçar, i cili po luante sezonin e parë me Blaugranët, ku u transferua këtë verë pas një dekade të kaluar me fanellën e kampionit anglez, Manchester City.

/GazetaBlic Sport/

Lajme tjera