Ylli i Real Madridit, Vinicius Junior po rikuperohet më shpejt se sa pritej nga lëndimi dhe mund të rikthehet në aksion kundër Atalantas ose Rayo Vallecano javën e ardhshme.

24-vjeçari fillimisht pritej të ishte jashtë pothuajse deri në fund të dhjetorit, por rikuperimi i tij po shkon shumë mirë, shkruan GazetaBlic Sport.

Tani, megjithatë, Vinicius ka shansin të jetë në formacion që më 10 dhjetor. Më pas, “Mbretërit” vizitojnë Atalantën në një ndeshje nga turi i gjashtë në fazën kryesore të Champions League. Katër ditë më vonë, “Los Blancos” kanë edhe një ndeshje me Rayo Vallecanon në kampionatin spanjoll.

Vinicius ka shënuar 12 gola dhe 8 asistime në 18 ndeshje këtë sezon. Lëndimi i tij erdhi pas ndeshjes kundër Leganes më 24 nëntor, e cila përfundoi me fitoren 3-0 të madrilenëve.

/GazetaBlic Sport/