Guardiola ka marrë një lajm të keq pas ndeshjeve me kombëtaret për kualifikimet në Kupën e Botës.

Sulmuesi i Manchester City, Ferran Torres ka pësuar një thyerje të vogël në këmbë, shkruan GazetaBlic Sport.

Sulmuesi i ri, 21-vjeçar ishte në një nga momentet e tij më të mira të formës në karrierën e tij, duke luajtur dhe shënuar në Premier League, dhe duke qenë një pjesë kyçe në sulmin e Kombëtares së Spanjës.

Sipas asaj që është mësuar, Ferran ka pësuar një thyerje të vogël në këmbën e djathtë. Ky dëmtim pritet ta mbajë jashtë fushës për të paktën një muaj.

Sulmuesi u dëmtua kundër Italisë në gjysmëfinalen e Ligës së Kombeve UEFA, dhe pavarësisht dhimbjes, ai u paraqit edhe në ndeshjen finale ndaj Francës.

/GazetaBlic Sport/