I dërguari i posaçëm i BE’së për dialogun Kosovë-Serbi, Miroslav Lajçak, është deklaruar pas takimeve që pati sot në Kosovë bashkë me përfaqësuesin e SHBA’së për Ballkanin Perëndimor, Gabriel Escobar.
Përmes një postimi në Twitter, Lajçak shkroi se misionin e tij të përbashkët me Escobarin në Kosovë e filluan me presidenten Osmani.
Lajçak tha se ky ishte një diskutim përmbajtësor ku u fol për rëndësinë e shmangies së tensioneve të reja në veri të vendit.
“Sot fillova misionin tim të përbashkët me DAS Escobar në Kosovë me një diskutim përmbajtësor me Presidenten Vjosa Osmani. Ne folëm për rëndësinë e shmangies së tensioneve të reja në veri të Kosovës”, shkroi Lajçak në Twitter.
Started my joint mission with DAS Escobar to Kosovo today with a substantive discussion with President @VjosaOsmaniPRKS. We spoke about the importance of avoiding any renewed tensions in the north of Kosovo. pic.twitter.com/vz0YvE2pl4
— Miroslav Lajčák (@MiroslavLajcak) August 24, 2022
