I Dërguari Special i BE-së për Dialogun Kosovë-Serbi, Miroslav Lajçak, ka folur pasi është pritur nga presidenti i Serbisë, Aleksandar Vuçiq në Beograd. Bashkë me Lajcakun ka qenë edhe Emisari i SHBA-së për Ballkanin Perëndimorë, Gabriel Escobar.
Lajcak ka thënë se ka pasur një diskutim konstruktiv me Vuçiqin në lidhje me dialogun Kosovë-Serbi.
“Sapo përfundova një diskutim konstruktiv dhe thelbësor me presidentin e Serbisë, Aleksandar Vuçiq në Beograd për rrugën përpara në Dialogun e lehtësuar nga BE-ja për normalizimin e marrëdhënieve”, ka shkruar Lajcak në rrjetin social Twitter.
Lajcak dhe Escobar kanë qenë në Kosovë, para nisjes për Beograd. Ata janë takuar me krerët e institucioneve si dhe me ata të opozitës.
Just finished a constructive and substantive discussion with @predsednikrs @avucic in Belgrade about the way forward in the EU-facilitated Dialogue on normalisation of relations. pic.twitter.com/gHA9z77VQ7
— Miroslav Lajčák (@MiroslavLajcak) February 2, 2022
