Kandidati për deputet nga radhët e AAK-së, Lahi Brahimaj, së bashku me bashkëpartiakë kanë bërë homazhe tek heronjtë që ranë në Bishtazhin, Ujëz, Goden dhe Rogovë të Hasit.
Brahimaj tha se fundi i janarit 99 është i gdhendur thellë në zemrat e tyre pasi trimat më të mirë u nisën për të sjellë armët e lirisë nga Shqipëria.
Ai tha se ‘këta burra të pathyeshëm do të mbeten përjetësisht shembull i sakrificës sublime për atdhe’
“Për ne që i njohëm në vijat e frontit, këta burra të pathyeshëm do të mbeten përjetësisht shembull i sakrificës sublime për atdhe. Gjakun e tyre e kemi amanet për brezat që vijnë. Lavdi e përjetshme dëshmorëve të kombit!” shkruan Brahimaj raporton “Gazeta Blic”.
Postimi i plotë:
Fundi i janarit ’99 është i gdhendur thellë në zemrën tonë, kur trimat tanë më të mirë u nisën për të sjellë armët e lirisë nga nënë Shqipëria.
Sot përkujtojmë me dhembje e krenari heronjtë që ranë në Bishtazhin, Ujëz, Goden e Rogovë të Hasit. Trima që u bënë një me tokën e shenjtë të Kosovës në ato ditë të ftohta janari.
Për ne që i njohëm në vijat e frontit, këta burra të pathyeshëm do të mbeten përjetësisht shembull i sakrificës sublime për atdhe. Gjakun e tyre e kemi amanet për brezat që vijnë. Lavdi e përjetshme dëshmorëve të kombit!
