Në një intervistë të transmetuar mbrëmë në Prime Video, sulmuesi i Paris Saint-Germain, Kylian Mbappe foli me ekspertin Thierry Henry për një sërë temash, duke përfshirë stilin e tij të lojës dhe përfundimin e tij në vendin e 9-të të Topit të Artë.

Francezi diskutoi gjithashtu statusin e tij në PSG së bashku me yjet si Lionel Messi dhe Neymar dhe nënvizoi se skuadra duhej të përmirësohej në stilin e lojës, përcjell GazetaBlic Sport.

“Kur luan me Neymarin dhe Messin, është e vështirë ta quash veten shefi. Tani, jam në një periudhë të mirë, skuadra po ecën mirë. Ne me të vërtetë nuk na intereson kush është bossi”, tha fillimisht Mbappe.

“Unë jam asistuesi më i mirë i ligës, si dhe në Champions League, gjë që dëshmon se nuk jam egoist dhe nuk po kërkoj vetëm të shënoj. Unë ende mund të bëj më mirë.”

“Jemi të vetëdijshëm se duhet të bëjmë më shumë si ekip. Kur ke tre lojtarë të këtij niveli, nuk mund të fshihesh prej saj. Ne duhet të bëjmë gjërat që na mbajnë të bashkuar si kolektiv. Secili nga ne duhet të bëjë pjesën tonë”, përfundoi ai.

/GazetaBlic Sport