Kyle Walker beson se gara e ashpër mes Arsenalit, Liverpoolit dhe Manchester Cityt për titullin e Premierligës i ka dhënë atij dhe shokëve të skuadrës motivim shtesë. “Qytetarët” synojnë titullin e katërt radhazi.

“Kjo është e mrekullueshme për Premier League – të kesh tre skuadra kaq afër njëra-tjetrës dhe në krye të tabelës. Do të jetë një shfaqje e mrekullueshme. Ne do të luftojmë deri në fund si gjithmonë. Askush nuk ka fituar katër tituj radhazi deri më tani dhe ky është qëllimi ynë. Ne jemi të motivuar ta bëjmë këtë”, tha Walker në një intervistë për faqen e klubit.

Man City do të përballet me Newcastle në çerekfinale të FA Cup, dhe pas pushimit të ekipeve kombëtare, kampionët do të përballen me liderin e ligës Arsenal.

/GazetaBlic Sport