Kombëtarja e Kosovës e pret në “Fadil Vokrri” Jordaninë në sfidën që luhet sot nga ora 18:00.

“Dardanët” synojnë rezultatin pozitiv në një ndeshje e cila shihet si para-përgatitje për ndeshjen e fundit kualifikuese, shkruan GazetaBlic Sport.

Ekipi kosovar është duke u drejtuar nga përzgjedhësi Primoz Gliha që do të jetë në krye të ekipit për këto dy duele.

Gliha tha dje në konferencën për shtyp se është i interesuar që të ndryshojë mentalitetin e futbollistëve dhe që të rikthehet tek fitoret.

Ky takim shihet si një mundësi për futbollistët që nuk kanë luajtur shumë minuta në ndeshjet e kaluara.

Formacioni i mundshëm i Kosovës për ndeshjen e sotme:

Muric; Vojvoda, Rrahmani, Fazliji, Hadërgjonaj; Dresevic, Berisha; Rashica, Idrizi, Zhegrova; Muriqi.

/GazetaBlic Sport/