Kryeministri i Kosovës, Albin Kurti, ka folur rreth preferencave të tij muzikore.

Ai ka deklaruar se më së shumti i pëlqen roku alternativ.

Këto përgjigje, Kurti i dha gjatë pjesëmarrjes së tij në “Defy them”, hapësirë e cila ka qenë strehimore më herët, por që është kthyer në një vend ku artistët do të mund të shprehin krijimtarinë e tyre në lagjen “Bregu i Diellit” në Prishtinë.

“Është një vend fantastik ku mund të takohen të rinjtë për të ndarë bashkë shijet e preferencat e tyre për zhanret dhe bendet. Unë jam më shumë me posterat që ishin në skenën kryesore, pra më shumë me rokun alternativ sesa njerëzve që merrnin pjesë e të cilët janë më shumë të hard rokut dhe metalit”, tha Kurti për Klan Kosova.