Kryeministri Albin Kurti ka pranuar sot pasdite Raportin e Progresit për vitin 2022 të përpiluar nga Komisioni Evropian, të cilin atij ja dorëzoi shefi i Zyrës së Bashkimit Evropian në Kosovë, Tomáš Szunyog .

Në konferencën e përbashkët për media,Kurti tha se raporti njeh përparimet e bëra nën Qeverinë që ai drejton.

“Ky është taporti i parë që përfshin periudhën e plotë 1-vjeçare te qeverisjes sonë. Vendi ynë ka shënuar progres në shume fusha gjatë vitit që shkoi pavarësisht krizave. Raporti e përgëzoi Kosovën për stabilitetin dhe qëndrueshmërinë politike”, tha Kurti.

Ai më pas tha se do të aplikojë për anëtarësim në BE.

“Kemi filluar përgatitjet për të dorëzuar aplikacionin për anëtarësim në BE si hap i parë, e me synim marrjen e statusit kandidat”, tha Kurti.