Kryetari i Lëvizjes Vetëvendosje, Albin Kurti, ka qëndruar gjatë ditës në Komunën e Deçanit, ku i ka dhënë mbështetje kandidatit të subjektit të tij, për kryetar të kësaj komune, Orges Tafilaj.

Në shkrimin e Lëvizjes Vetëvendosje, qendra në Deçan, thuhet se Kurti premtoi se edhe Deçani sikurse të gjitha komunat në vendin tonë do të jetë pikësynimi ynë për zhvillim, dhe se nuk duhet të ngelet prapa komunave tjera.

Shkrimi i plotë:

Ishte kënaqësi ta kishim në Deçan, Kryeministrin Albin Kurti.

Bashkë me kandidatin për Kryetar Orges Tafilaj me asambleistë e aktivistë bashkëbiseduam me Kryeministrin tonë.

Deçani ka nevojë më shumë se kurrë për ndryshim, këtë herë edhe qytetarët tonë do t’i bashkangjiten ndryshimit të madh më 17 tetor.

Koordinimi mes Qeverisë dhe nivelit lokal në mënyrë të drejtë, është ajo që kemi pasur nevojë që moti kohë si komunë.

Kryeministri ynë, premtoi se edhe Deçani sikurse të gjitha komunat në vendin tonë do të jetë pikësynimi ynë për zhvillim, dhe se nuk duhet të ngelet prapa komunave tjera.

Ne qeverisim së bashku me qytetarët.

#bashkëqeverisim
#orgestafilaj_kryetar144