Kryeministri Albin Kurti shprehu sot nderimin dhe respektin për Nënën Ferdonije Qerkezi, një simbol i qëndresës dhe kujtesës për viktimat e gjenocidit serb në Kosovë, raporton GazetaBlic.

Në një postim, ai kujtoi traditën e bukur të familjes Qerkezi, e cila festonte çdo datë të veçantë, por theksoi se tani, pas humbjes së pesë anëtarëve të saj në vitin 1999, Nëna Ferdonije jeton pesëfish vetminë. Katër djemtë dhe bashkëshorti i saj u rrëmbyen dhe u zhdukën nga forcat serbe, duke lënë pas dhimbje të thellë.

Kryeministri Kurti e quajti atë një figurë të fuqishme të kujtesës dhe qëndresës kombëtare, duke nënvizuar se dhimbja e saj është një detyrim për të mos harruar asnjëherë gjenocidin dhe tragjeditë që kaloi populli shqiptar.