Kryeministri i Kosovës, Albin Kurti është deklaruar të mërkurën mbrëma për telefonatën që ka zhvilluar me presidentin e Turqisë, Recep Tayyp Erdogan.
Ai tha se Erdoganin e uroi për fitoren zgjedhore në balotazhin e së dielës në Turqi.
Kurti po ashtu u shpreh se kanë diskutuar për raportet e mira të dypalëshe mes të dyja vendeve. Temë e bisedës ishin edhe ngjarjet aktuale, tha Kurti.
“Në një telefonatë me presidentin e Turqisë, Recep Tayyp Erdogan, unë e urova për rizgjedhjen dhe diskutova marrëdhëniet tona të mira dypalëshe dhe ngjarjet aktuale”, ka shkruar Kurti në Twitter.
“E tregova shqetësimin tim për dhunën e milicisë serbe kundër Policisë, KFOR-it dhe mediave. Në Republikën tonë pushteti mund të fitohet vetëm me votë – asnjëherë me dhunë”.
In a call w/ Pres. @RTErdogan I congratulated him on his re-election and discussed our good bilateral relations & current events. I relayed my concern about the Serb militia’s violence against Police, KFOR & media. In our Republic, power can be won only by vote—never by violence.
— Albin Kurti (@albinkurti) May 31, 2023
