Kufiri i Ukrainës me Poloninë mbetet i bllokuar në të gjashtë pikat e kontrollit për kamionët për shkak të protestave të fermerëve polakë për importin e grurit nga Ukraina, sipas raporteve lokale.

Zëdhënësi i Gardës Kufitare Shtetërore, Andrii Demchenko tha në televizionin kombëtar se rreth 2 mijë e 400 kamionë kishin pritur për të kaluar kufirin që nga e diela, sipas një raporti në The Kyiv Independent, transmeton Klankosova.tv.

Protestat mbi Marrëveshjen e Gjelbër të BE-së janë zhvilluar në të gjithë Evropën, por në Poloni ato kanë marrë një karakter anti-ukrainas mbi akuzat se importet më të lira kanë minuar biznesin e tyre.

Fermerët polakë tani duan të ndalojnë importin e drithit ukrainas dhe të zgjerojnë ndalimin për mallra të tjera, duke përfshirë frutat, vezët dhe mishin. Ata kanë hedhur grurë ukrainas në kufi në shenjë proteste dhe kanë bllokuar kalimin e kamionëve.