Një anije e marinës italiane ktheu të shtunën në Itali 12 emigrantët e parë nga qendrat e sapohapura të përpunimit të azilit në Shqipëri, pas një vendimi gjyqësor në Romë.

Kryeministrja italiane Giorgia Meloni e ka përshëndetur marrëveshjen si një “model” të ri për të trajtuar migracionin e paligjshëm, raporton AP.

Gjykata në Romë hodhi poshtë ndalimin e 12 prej emigrantëve, duke argumentuar se ata nuk mund të kthehen në vendet ose origjinën e tyre – Bangladesh dhe Egjipt – sepse gjykata nuk i konsideroi ato vende si të sigurta sa duhet.

Anija e marinës italiane mori 12 emigrantët nga porti i Shëngjinit. Pasi mbërritën atje këtë javë, katër migrantët e tjerë ishin refuzuar tashmë nga stafi i qendrës, dy si të pambrojtur pasi iu nënshtruan kontrolleve shëndetësore dhe dy për të mitur.

Ndalimi i çdo migranti duhet të rishikohet nga gjykatat speciale të migracionit në Itali sipas ligjit italian.