Memli Kransiqi, kryetar i Partisë Demokratike të Kosovës (PDK), ka uruar SHBA-në për përvjetorin e pavarësisë.
Përmes një postimi në Facebook Krasniqi ka thënë se Kosova i është mirënjohëse Shteteve të Bashkuara të Amerikës.
“Pavarësia e Shteteve të Bashkuara të Amerikës më 4 korrik 1776 shënon triumfin dhe fillimin e ngritjes së një bote të lirë dhe demokratike”, tha ai.
“Këtë e dijmë më së miri ne si Kosovë, ku, 23 vite, respektivisht 14 vite më parë, në misionin tonë të çlirimit dhe pavarësisë, krahun më të fuqishëm kishim SHBA-të.Prandaj, duke qenë përjetësisht mirënjohës, sot, në festën e pavarësisë, ju urojmë këtë ditë të madhe kombëtare stafit të Ambasadës Amerikane në Republikën e Kosovës, Ambasadorit Hovenier, pjesëtarëve të Ushtrisë Amerikane në Kosovë dhe të gjithë qytetarëve amerikanë”, ka përfunduar postimi i Krasniqit.
