Presidenca nuk e kishte dekretuar si kryeprokuror të shtetit Blerim Isufajn, të propozuar nga Këshilli Prokurorial i Kosovës, shkruan Gazeta Blic.
Kjo, sipas presidentes Osmani, për arsye se janë gjetur shkelje në këtë proces.
Mirëpo, KPK i ka dërguar sërish emrin e Isufajt Presidencës, ndërsa që kjo e fundit po kërkon proces të ri për zgjedhjen e kryeprokurorit.
Bekim Kupina, këshilltar për media, ka thënë për Gazeta Blic se presin nga KPK adresimin e shkeljeve procedurale të përmendura në letër, në një proces të ri.
“Të gjitha çështjet janë trajtuar në letrën/njoftimin e Presidentes, të datës 17 tetor. Presim nga KPK që t’i adresojë shkeljet procedurale të përmendura në atë letër, në një proces të ri”, ka thënë Kupina për Gazeta Blic.