La Gazzetta dello Sport raporton se Rafael Leao dhe skuadra e Milanit momentalisht kanë një ‘krisje’ raportesh, duke lënë të kuptohet për dështim të një marrëveshje të re mes palëve.

Marrëveshja e portugezit skadon në qershor 2024 dhe negociatat për një kontratë të re kanë vazhduar për disa muaj. Si Milani ashtu edhe menaxhmenti i lojtarit konfirmuan javën e kaluar se bisedimet po përparojnë në një ‘mënyrë profesionale’ dhe se lojtari dëshiron të qëndrojë në klub, përcjell GazetaBlic Sport.

Nëse ai do të nënshkruajë një kontratë të re apo jo, është një histori tjetër dhe vendimet e fundit taktike të Piolit nënkuptojnë se Leao dhe Milan nuk kanë qenë kurrë kaq larg.

24-vjeçari nuk ishte titullar në dy ndeshjet e fundit të Serie A kundër Sassuolo dhe Inter dhe u fut në fushë vetëm në pjesën e dytë. Leao nuk është në maksimumin e tij pas Kupës së Botës, por qëndrimi i tij është gjithashtu një shqetësim për drejtuesit e kuqezinjve.

Në të njëjtën kohë, negociatat mes klubit dhe sulmuesit nuk po përparojnë. Ende nuk ka marrëveshje për pagën e ardhshme të sulmuesit dhe as për klauzolën e lirimit të tij, e cila aktualisht është 150 milionë euro.

Leao thuhet se pret që Milani të paguajë një pjesë të gjobës prej 19 milionë eurosh që i detyrohet ish-klubit të tij Sporting CP, ndërsa dy përfaqësuesit e tij, Ted Dimvula dhe Jorge Mendes duket se kanë ide të ndryshme për të ardhmen e sulmuesit, duke i bërë negociatat me kampionët në Serie A edhe më shumë të komplikuara.

/GazetaBlic Sport/