Mjekët kosovarë po protestojnë sot para MSH-së për shkak të sipas tyre, neglizhencës së ministrit Vitia ndaj punëtorëve shëndetësorë.

Kreu i sindikatës së mjekëve, Blerim Syla, foli para mediave, duke hedhur kritika të shumta ndaj ministrit të shëndetësisë, ku tha se ky i fundit injoroi çdo mjek e çdo infermier, përcjell GazetaBlic.

“Nga këtu, përmes mediave, i bëj thirrje ministrit Vitia, që të kthejë sytë nga punëtorët. Ai u tregua neglizhent.

Injoroi çdo mjek e çdo infermier. Kjo është arsyeja pse po protestojmë. Kjo nuk do të jetë e vetmja e ditës, pasi edhe nga ora 13:00 do të jemi para kryeministrisë. Thjesht duam të përçojmë mesazh tek ai”, tha ndër të tjera Syla.

/GazetaBlic/