Kryetari i Komisionit Qendror të Zgjedhjeve, Kreshnik Radoniqi, ka folur për media nga qendra e votimit në shkollën fillore “Lidhja e Prizrenit” në Pejë, ku ka bërë të ditur se procesi i votimit ka nisur në mënyrë të rregullt.

“Sa i përket qendrave komunale, të gjitha përgatitjet janë bërë dhe të gjitha pajisjet janë shpërndarë në të gjitha komunat. Presim që nesër të fillojë numërimi në të gjitha komunat,” – ka deklaruar Radoniqi.

Ai ka shtuar se materialet zgjedhore janë dërguar me kohë dhe se deri më tani nuk janë raportuar pengesa në procesin e votimit.