Kandidatja e LDK-së për deputete, Rrezarta Krasniqi, ka thënë se VV në qeverisjen e saj të dështuar nuk ka realizuar asnjë nga premtimet e bëra, tani në gjysmë të fushatës përpiqen të mashtrojnë me një \program dëshirash’, raporton Gazeta Blic.
Ajo këtë e ka quajtur plan të vonuar, derisa ka thënë se LDK ka treguar seriozitet dhe përgjegjësi të jashtëzakonshme, duke prezantuar një plan konkret dhe të realizueshëm për qytetarët që meritojnë më shumë, andaj sipas saj më 9 shkurt populli do t’u japë fund dështimeve dhe do ta sjell ndryshimin.
Postimi i saj i plotë:
Pas një qeverisjeje të dështuar, ku Vetëvendosje nuk ka realizuar asnjë nga premtimet që u ka bërë qytetarëve, tani – në gjysmë të fushatës – po përpiqen të mashtrojnë sërish me një ‘program dëshirash’. Ky plan i vonuar është dëshmia më e mirë e mungesës së vizionit dhe paaftësisë së tyre për të udhëhequr.
Derisa në anën tjetër, LDK ka treguar seriozitet dhe përgjegjësi të jashtëzakonshme, duke prezantuar një plan konkret dhe të realizueshëm për qytetarët që meritojnë më shumë.
Më 9 shkurt, populli do t’i japë fund dështimeve dhe të sjellë ndryshimin e shumëpritur!
