Lajme

Kosova vendi i dytë në botë për më së shumti raste në 100 mijë banorë

08/25/2021 16:48
nga:M K

Analisti Albert Krasniqi ka reaguar pas rritjeve të rasteve me COVID-19 në Kosovë.

Ai përmes një postimi në Facebook, ka thënë se Kosova renditet e dyta në botë sa i përket numrit të rasteve të reja në 100 mijë banori, dhe në mesin e pesë vendeve me rrezikshmërinë më të lartë për të udhëtuar.

“Kosova është vendi i dytë në botë për më së shumti raste të reja në 100 mijë banorë, dhe është në mesin e 5 vendeve me rrezikshmërinë më të lartë për të udhëtuar”, tha në postim Krasniqi.

Sipas Krasniqit e gjithë kjo vjen pas dështimit të Qeverisë për të menaxhuar pandeminë.

“Krejt këtu erdhëm nga dështimi i Qeverisë për të menaxhuar me pandeminë. Asnjë masë! U soll thuajse nuk ka pandemi. Një dyqan tregtar, Zara, u soll më me përgjegjësi ndaj klientëve të vet duke kërkuar vendosjen e masave, sesa Qeveria ndaj qytetarëve të saj”, tha ndër të tjera ai.

Postimi i plotë:

Për vetëm një javë, janë regjistruar 13,956 raste të reja me COVID-19, prej të cilëve 75 persona kanë humbur jetën.
Kosova është vendi i dytë në botë për më së shumti raste të reja në 100 mijë banorë, dhe është në mesin e 5 vendeve me rrezikshmërinë më të lartë për të udhëtuar.
Krejt këtu erdhëm nga dështimi i Qeverisë për të menaxhuar me pandeminë. Asnjë masë! U soll thuajse nuk ka pandemi. Një dyqan tregtar, Zara, u soll më me përgjegjësi ndaj klientëve të vet duke kërkuar vendosjen e masave, sesa Qeveria ndaj qytetarëve të saj.

Lajme tjera